Samsung şirkətinin rəhbəri həbs olundu - Səhmləri ucuzlaşdı

Cənubi Koreyanın ən zəngin biznesmenlərindən biri, Samsung Electronics-in vitse-prezidenti və faktiki olaraq rəhbəri Li Çje Yen korrupsiya qalmaqalı ilə bağlı həbs edilib.
Vitse-prezidentin həbsi tələbini hələ yanvarda məhkəmə rədd etmişdi, lakin sonradan yeni dəlillər ortaya çıxıb. Şirkət rəhbəri Cənubi Koreya prezidentinin rəfiqəsinin nəzarətində olan fonda qanunsuz köçürmələr etməkdə ittiham olunur.
Qeyd edək ki, məhz bu ittihamlar parlamentin ölkə başçısının impiçmentini elan etməsinə gətirib çıxarıb.
Şirkət rəhbərinin həbsi fonunda Samsung Electronics-in səhmləri ucuzlaşmağa başlayıb.(Qafqazinfo)