Gündəmi zəbt edən koronavirus bir çox vacib problemləri kölgədə qoyub. Bu gün verəcəyi zərər heç də pandemiyadan geri qalmayan başqa bir problemlə də üz-üzəyik.
Baku TV xəbər verir ki, söhbət qurumaqda olan Kür çayından gedir.
Kürətrafı rayonlarda yaşayan minlərlə insan istər məişətdə, istərsə də suvarmada suya olan tələbatını bu çay vasitəsilə ödəyir. Amma gündən-günə çayın suyu çəkilir. Bu isə olduqca ciddi problemdir.
Suyun olmamasının özü koronavirusdan da sarsıdıcı xəstəliklərin başlamasına səbəbdir. Belə olan halda çıxış yolu dünya təcrübəsində olduğu kimi, dəniz suyunu içməli su səviyyəsinə qədər təmizləmək və vətəndaşların istifadəsinə verməkdir. Təəssüf ki, ölkəmizdə bu üsuldan çox az istifadə olunur.
Əslində, yarana biləcək su qıtlığı probleminin həlli məqsədilə 2012-ci ildə Salyan rayonunun Xıdırlı kəndində dəniz suyunu içməli su səviyyəsinə qədər təmizləməyə imkan verən zavod inşa edilib.
Bu zavodda dəniz suyundan sutkada 2 000 kubmetr şirin su istehsal olunur. Su tam istifadəyə yararlı şəraitdə təmizlənir və bunun sayəsində hektarlarla ərazidə yaşıllıq zolağı salınıb, məişətdə istifadə olunur.
Daha ətraflı təqdim olunan süjetdə:
"Azərsu"nun Səbaildə su alveri: evlərə su verilmir, maşınlar 30 manata satır
“Azərsu” içməli su qıtlığının SƏBƏBLƏRİNİ açıqladı
Yeni Günəşlidə magistral su xətti çəkilir
"Prezident sizə qoyun verib, gərək otarmağa torpaq da verəydi" Füzulidə qonşularının örüş yerlərini zəbt edən imkanlı qardaşlar ölkə başçısına "dil uzadırlar"
Millət vəkili: “Camaat “su!” deyib haray çəkir”
