“Sea Breeze”də fəhlə ustasını bıçaqladı- Söyüşə görə

“Sea Breeze” yaşayış kompleksində usta ilə fəhlə arasında baş verən mübahisə bıçaqlanma ilə nəticələnib.

Araz adlı fəhlə ustası Elvini bıçaqlayıb. Buna səbəb tərəflər arasında pula görə yaranan mübahisə zamanı söyüş söyülməsi olub.

Belə ki, Araz “Sea Breeze”də Mayis və Elvin adlı rəngsaz ustaların yanında fəhlə kim işləyib. Son işinə görə Mayis ustadan 100 manat alacağı olub. Buna görə Elvinə də zəng edib. Elvin pula görə ona zəng etməməsini deyib və telefonda mübahisə ediblər. Onlar “Neftçilər” metrostansiyasının yaxınlığında görüşərək təkrar mübahisə ediblər. Onları ətrafda olan şəxslər sakitləşdirib.

Bir müddət sonra onlar “Sea Breeze”də rastlaşıblar və təkrar mübahisə ediblər. Mübahisə zamanı Araz Elvinə iki bıçaq zərbəsi vurub.

Araz ifadəsində ruhi xəstə olduğunu deyib. Elvin isə təqsirləndirilən şəxsi bağışladığını bildirib.

Məhkəmə Arazı xuliqanlıq niyyəti ilə qəsdən sağlamlığa ağır zərər vurmaqda təqsirli bilərək 6 il azadlıqdan məhrum edib.