Azercell istifadəçiləri YENƏ NARAZIDIR: 20 illik nömrə qəflətən LƏĞV EDİLDİ

Azərbaycanda mobil operator "Azercell" istifadəçiləri arasında narazılıq doğuran qərarları ilə diqqət çəkir. Uzun müddət istifadə edilən nömrələrin qəfil ləğvi və ya balans səbəbi ilə bağlanması insanlarda təəccüb və narahatlıq yaradır.

Bu hadisəni yaşayanlardan biri də jurnalist Əzizə İsmayılovadır.

Məlumata görə, jurnalist 20 ildən çoxdur istifadə etdiyi "Azercell" nömrəsi sahibi tərəfindən balans artırılmadığı üçün qəflətən ləğv edildiyini bildirib.

İsmayılova bildirir ki, əvvəlcə nömrəyə pul əlavə etmək istədiyi zaman “sistem xətası” mesajı alıb və bunun müvəqqəti texniki problem olduğunu düşünərək bir neçə gün cəhd edib. Lakin cəhdlərin nəticəsi olmayıb və sonda nömrəsinin ləğv edildiyini öyrənib.

Jurnalist bu qərarı “uzun illər istifadə etdiyim, davamlı ödəniş etdiyim nömrənin sadəcə balans artırılmadığı üçün ləğv edilməsi anlaşılmazdır” sözləri ilə şərh edib.

Məsələ ilə bağlı "Azercell"-in müştəri xidmətlərindən bildirilib ki, müraciət qəbul edilərək aidiyyəti üzrə yönləndirilib.