QHT sədri məhkəməni uddu.

“Azəriqaz” İstehsalat Birliyinin 15 illik əməkdaşı, “İnkişafa və İslahatlara Dəstək” İctimai Birliyinin sədri Ramil Əliyev qanunsuz işdən çıxarılaraq məhkəməyə müraciət edib.

QHT.az saytına istinadən xəbər veririk ki, o, Bakı Regional Qazın Satışı Departamentində 10-cu dərəcə mühəndis vəzifəsində çalışıb. Ramil Əliyevin sözlərinə görə, 2025-ci ildə aparılan struktur dəyişikliklərindən sonra ona tutduğu vəzifə təklif olunmayıb və yalnız 9-cu dərəcə vəzifə irəli sürülüb. Bu təklifi qəbul etmədiyi üçün işdən çıxarıldığını bildirib. Şikayətçi məhkəmədə qarşı tərəfin saxta sənədlər təqdim etdiyini iddia edib. Xətai Rayon Məhkəməsi iddiaçının xeyrinə qərar çıxararaq işdən çıxarılma əmrini ləğv edib. Qərara əsasən, Ramil Əliyev işə bərpa olunmalı və məcburi iş buraxma dövrü üçün əməkhaqqı ödənilməlidir.