Azərbaycanda ata və oğul bir-birini məhkəməyə verdi

Azərbaycanda mənzilə görə ata və oğul məhkəmədə görüşəsi olub.
Korrupsiya və Qanun saytı “qafqazinfo”ya istinadən xəbər verir ki, ata Həsənov Elşən Əsgər oğlu məhkəmə iddiası qaldıraraq oğlu Həsənov Əsgər Elşən oğlunun mənzildən istifadə hüququna xitam verilməsini istəyib.
Oğul da qarşılıqlı iddia verərək E.Həsənovun mənzili özəlləşdirməsinin etibarsız hesab edilməsini, maddi və mənəvi zərərin ödənilməsini tələb edib.
Hər iki şikayətə Yasamal rayon məhkəməsində baxılıb. Bu il fevralın 20-də iş üzrə qətnamə çıxarılıb. Elşən Həsənovun iddiası təmin edilib və Əsgər Həsənovun mənzildən istifadə hüququna xitam verilib. Ə.Həsənovun qarşılıqlı iddiası ilə rədd edilib.
Ə.Həsənov qərardan apellyasiya şikayəti verilib. İş icraata götürülüb və proses Bakı Apellyasiya Məhkəməsinin hakimi Fuad Talışinskinin sədrliyi ilə aprelin 11-də davam etdiriləcək.