TƏKZİB

Redaksiyamıza məktubla müraciət edən vətəndaş Məmmədov Çingiz Əjdər oğlu bildirir ki, “Korrupsiya və Qanun” qəzetinin 14.12.2013-cü il tarixdə sayca 14-cü nəşrində dərc olunmuş “Üstü aqlay, içi ah-vay” sərlövhəli məqalədə onun barəsində həqiqətə uyğun olmayan, işgüzar nüfuzuna xələl gətirən informasiyalar yer almışdır. Ç.Məmmədovun məktubuna qoşma etdiyi Sumqayıt Apellyasiya Məhkəməsinin Mülki Kollegiyasının 25.09.2018-ci il tarixli 2(105)-1241/2018 saylı qətnaməsinin surətindən görünür ki, onun barəsində kütləvi informasiya vasitəsində həmin qərəzli məlumatları yayan şəxslər qətnamənin tələbinə əsasən ondan yazılı surətdə üzr istəmişlər.
Öz fəaliyyətində qanunçuluğu, həqiqəti, ədaləti, insan və vətəndaş hüquqlarını hər şeydən üstün tutan “Korrupsiya və Qanun” qəzeti illər öncə səhifələrində dərc olunmuş informasiyalara görə də cavabdehlik məsuliyyətindən boyun qaçırmır, hazırda gündəmdə olmayan arxiv materiallarına da aydınlıq gətirən yeni faktlar ortaya da çıxanda öz oxucularına məlumat verir və və maraqlı tərəflərin münasibətlərini ifadə edən fikirlərinə tribuna verir.
Söhbətin sonu
.