Bakı-Şamaxı yolunda dəhşətli qəzadan GÖRÜNTÜLƏR

Bakı-Şamaxı yolunda 3 nəfərin ölümü və iki nəfərin ağır xəsarət alması ilə nəticələnən avtomobil qəzası barədə xəbər vermişdikk. Kanal S (Region TV) xəbər verir ki, hadisə magistral yolun 95-ci kilometrliyində, Qobustan rayonu ərazisində qeydə alınıb. Balakən rayon sakini 1983-cü il təvəllüdlü Quliyev Hacı Cahangir oğlunun idarə etdiyi 90-HR-095 dövlət nömrə-nişanlı "BMW" markalı minik avtomobili qarşı tərəfdən gələn Qobustan rayon sakini 1991-ci il təvəllüdlü Süleymanov Süleyman Kamran oğluna məxsus 01-BO-203 dövlət nömrə nişanlı “KamAZ” markalı yük avtomobili ilə toqquşub. Hadisə zamanı "BMW"-dəki sərnişinlər-sürücünün qohumu Həsənov Müşfiq Mehman oğlu, onun xalaları-Rzayeva Sevil Abbas qızı, Rzayeva Asimə Abbas qızı aldıqları ağır xəsarətlər səbəbindən hadisə yerində ölüblər.

Sürücü Hacı Quliyev və bacısı, 1985-ci il təvəllüdlü Quliyeva Ülkər Cahangir qızı isə ağır bədən xəsarətləri ilə Qobustan Mərkəzi Rayon Xəstəxanasının reanimasiya şöbəsinə yerləşdirilib. Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.