Azərbaycan İdeyası

96 minlik dələduzluq... - Hökm oxundu

Tarix:11-07-2016, 22:11
Baxış Sayı:460

96 minlik dələduzluq... - Hökm oxundu
Bu gün Bakı Ağır Cinayətlər Məhkəməsində dələduzluqda təqsirləndirilən Tahir Məcidov, Həmidxan Mürvətov və Faiq Sadıqovun cinayət işu üzrə məhkəmə prosesi yekunlaşıb. "Qafqazinfo"nun verdiyi xəbərə görə, hakim Azad Məcidovun sədrliyi ilə keçirilən prosesdə hökm oxunub. Məhkəmənin hökmü ilə F.Sadıqov 9 il, H.Mürvətov 10 və T.Məcidov 11 il müddətinə azadlıqdan məhrum edilib.

Qeyd edək ki, Baş Prokurorluğun yaydığı məlumata görə, "Meyniman-1" Məhdud Məsuliyyətli Cəmiyyətin rəhbəri Həmidxan Mürvətovun qanunsuz hərəkətləri barədə "Meliorasiya və Su Təsərrüfatı" Açıq Səhmdar Cəmiyyətindən daxil olmuş məlumat Baş prokuror yanında Korrupsiyaya qarşı mübarizə idarəsində araşdırılıb.

Müəyyən edilib ki, H.Mürvətov Əmlak Məsələləri Dövlət Komitəsinin mövcud olmayan 9 fevral 2012-ci il tarixli sərəncamını əsas kimi götürərək Göyçay rayonunun Qaraməryəm kəndi ərazisində 96 min manat dəyərində 10 km uzunluğunda istifadə olunmayan və istifadəyə yararsız su kəməri xəttinin rəhbərlik etdiyi cəmiyyət tərəfindən sökülərək metal qəbulu məntəqəsinə təhvil verilməsi barədə Əmlak Məsələləri Dövlət Komitəsi ilə guya razılığa gəlmələri barədə 15 fevral 2012-ci il tarixli saxta alqı-satqı müqaviləsi hazırlayıb. Boru kəmərləri Göyçay suvarma sistemləri idarəsinin balansında olduğundan planlaşdırdığı cinayəti həyata keçirmək məqsədilə H.Mürvətov həmin müqaviləni qeyd edilən idarəyə təqdim etməklə kəmərin Əmlak Məsələləri Dövlət Komitəsi tərəfindən guya ona satıldığını və söküb aparacağını bildirib.

Bundan sonra H.Mürvətov işin texniki cəhətdən həyata keçirilməsi üçün hazırlıqlar görərək metalın kəsilməsində istifadə olunacaq avadanlıq və texnikanı Qaraməryəm kənd sakini Quliyev İlqar Ağaqulu oğlunun həyətinə gətirərək külli miqdara özgə əmlakını ələ keçirməyə cəhd edib. Fakta görə Cinayət Məcəlləsinin 29, 178.2.3, 178.3.2-ci (dələduzluq yolu ilə qulluq mövqeyindən istifadə etməklə külli miqdarda özgə əmlakını ələ keçirməyə cəhd) və 313-cü (vəzifə saxtakarlığı) maddələri ilə cinayət işi başlanıb.

OXŞAR XƏBƏRLƏR
Bakıda üç məktəb direktoru işdən çıxarıldı
Bakıda üç məktəb direktoru işdən çıxarıldı
Cahid Hüseynovun qardaşı oğlu DTX-nə işə düzəltmək adı ilə vətəndaşı aldadaraq pulunu məminsəyib+FOTO
Cahid Hüseynovun qardaşı oğlu DTX-nə işə düzəltmək adı ilə vətəndaşı aldadaraq pulunu məminsəyib+FOTO
“Gilan Holdinq” MMC-nin mənafeyinə toxunan şikayət materialları FHN-də “yoxa çıxır”
“Gilan Holdinq” MMC-nin mənafeyinə toxunan şikayət materialları FHN-də “yoxa çıxır”
Beynəlxalq Bankın filialında adına özünün xəbəri olmadan kredit götürülən müştərinin imzasını kim saxtalaşdırıb?
Beynəlxalq Bankın filialında adına özünün xəbəri olmadan kredit götürülən müştərinin imzasını kim saxtalaşdırıb?
“BakıKart” qəpiyə yaxın durmur: Qurum problemdən xəbərdardır, amma...
“BakıKart” qəpiyə yaxın durmur: Qurum problemdən xəbərdardır, amma...
Xankəndidə ilk dəfə qəbul imtahanı keçiriləcək - DİM
Xankəndidə ilk dəfə qəbul imtahanı keçiriləcək - DİM
“Aztelekom” yenidən təşkil edilib
“Aztelekom” yenidən təşkil edilib
Yağış yağacaq, şimşək çaxacaq - SABAHIN HAVASI
Yağış yağacaq, şimşək çaxacaq - SABAHIN HAVASI