Yolun ortasında maşın saxlayan gənci maşın belə vurdu - VİDEO 16+

Qəza baş verdikdə yolun ortasında dayanmaq olduqca təhlükəlidir

Əksər hallarda yolun hərəkət hissəsində baş verən yol qəzalarında sürücülər elə yolun ortasındaca dayanıb ya mübahisə edirlər, ya da hadisə yerinə yol polisinin və sığorta agentinin gəlməsini gözləyirlər. Lakin bu, olduqca təhlükəlidir.

Avtosfer.az-ın təqdim etdiyi bu video belə halların nə qədər təhlükəli olduğunu bir daha təsdiq edir.

Videodan da göründüyü kimi, yolda iki avtomobil toqquşub və sürücülər maşınları yolun ortasında saxlayaraq nəyisə aydınlaşdırmağa çalışırlar. Bu zaman arxadan gələn daha bir maşın onlara dəyir.

Digər avtomobil isə toqquşmadan yayınmaq istəyərkən yolun ortasında dayanmış sürücünü vurub asfalta sərir. Belə vəziyyətdə vuran yox, yolun ortasında şou göstərənlər məsuliyyət daşımalıdırlar.