İnək almağa gedən qəssab xəstəxanalıq oldu

Neftçala rayonunun Qazaxbərəsi kəndinə kəsim üçün inək almağa gedən Salyan rayonu, Arbatan kənd sakini, 21 yaşlı qəssab Dadaşov Fərahim Fəlahət oğlu döyülərək xəstəxanaya düşüb. Criminal.az-ın Virtualaz.org-a istinadən məlumatına görə, onu heyvan sahibləri döyüblər.

Gənc qəssab sağ-təpə nahiyəsinin əzilməsi və sağ-göz nahiyəsinin xəsarətləri diaqnozu ilə Salyan Mərkəzi Rayon Xəstəxanasına yerləşdirilib. Faktla bağlı Neftçala Rayon Polis Şöbəsində araşdırmalara başlanılıb.