Hüquq müdafiəçisi Nadia Murad insan hüquqları sahəsində fəaliyyətə görə verilən Vaclav Havel Mükafatının dördüncü laureatı olub. 23 yaşlı fəal Nadia Murad İraqın yezidi icmasını təmsil edir. Yezidi icması «İslam Dövləti» qruplaşmasının silahlıları tərəfindən işgəncələrə və təzyiqlərə məruz qalır, qul vəziyyətinə salınır.
Avropa Şurası Parlament Assambleyası oktyabrın 10-da Strasburqda keçirilmiş xüsusi mərasimdə 60 min avroluq mükafatı Nadia Murada təqdim edib. 2014-cü ildə üç ay İraqın şimalında «İslam Dövləti» qruplaşması yaraqlılarının əsirliyində qalmış Murad sonradan Almaniyaya qaça bilib. O vaxtdan da tanınmış hüquq müdafiəçisi və BMT-nin sülhməramlı səfiri olub.
Murad quldarlıq və insan alveri obyektinə çevrilmiş yezidi icmasının ağır durumu barədə dünyaya məlumat vermiş ilk insanlardan biridir. Havel mükafatının digər iki finalçısı serb jurnalisti Gordan Igrich və Beynəlxalq İnsan Hüquqları İnstitutu/Rene Cassin Fondudur.
Murad Dadaşova qarşı cinayət
Xədicə İsmayılova ilə Emin Hüseynov arasında pul davası
İŞİD 300 nəfəri edam etdi
Aynişan "O səs Türkiyə"də Murad Bozla duet oxudu
İnsan alveri qurbanlarına yardımlar edilir
