"Sabah" "Lill"dən daha bir gənc futbolçunu transfer edir

"Sabah" klubu Fransadan oyunçu transfer edir.

Oxu.Az xəbər verir ki, "Lill" komandasının vingeri Yunes Laşaabın adı Azərbaycanın "Sabah" klubu ilə hallanır.

Hücum xəttinin hər mövqeyində oynaya bilən, lakin əsasən sol vinger kimi çıxış edən 21 yaşlı futbolçu hazırda Fransanın "National 3" (E Qrupu) liqasında mübarizə aparan "Lill"in ehtiyat komandasında qeydiyyatdadır.

Laşaab həm Fransa, həm də Əlcəzair vətəndaşlığına malikdir. Boyu 1.76 metr olan futbolçunun dəyəri 50 000 avro olaraq qiymətləndirilir. Bu rəqəm rəsmi təklif göndəriləcəyi təqdirdə, onu "Sabah" üçün kifayət qədər sərfəli varianta çevirir.

Yunes Laşaab əsas Liqa 1 heyətində deyil, Fransanın beşinci divizionunda çıxış edən "Lill"in ikinci komandasının bir hissəsi olub.

Xatırladaq ki, bu, "Sabah"ın "Lill" klubundan ilk transferi deyil. Mövsümün əvvəlində icarə əsasında "Sabah"da çıxış edən Aaron Maluda ilə yanvar ayında dörd illik müqavilə imzalanıb.