Rəşad Sadıqov: "Rəqibimizin gücünə bələdik"

"Sabah bizi olduqca önəmli oyun gözləyir".

Bu sözləri UEFA Konfrans Liqasının I təsnifat mərhələsində keçiriləcək "Zirə" - "Torpedo" (Gürcüstan) oyunu öncəsi baş tutan mətbuat konfransında təmsilçimizin baş məşqçisi Rəşad Sadıqov deyib.

O bildirib ki, qısamüddətli hazırlıqdan sonra səfər oyununa sərfəli hesabla yollanmaq istəyirlər:

"Rəqibimizin gücünə bələdik. Onlar davamlı olaraq avrokuboklarda iştirak edirlər və Avropa arenasında təcrübəlidirlər. Təəssüf ki, hazırlıq müddətimiz az oldu. Həm də seleksiya işlərinə vaxtımız çox qaldı. Hər şeyə rəğmən bu mərhələni adlamaq üçün əlimizdən gələni edəcəyik".

Qeyd edək ki, iyulun 8-i Sumqayıt şəhər stadionunda keçiriləcək "Zirə" - "Torpedo" (Gürcüstan) matçı saat 20:00-da start götürəcək.