Bakıda siqaret tapılmır, qiymətlər isə…

Azərbaycanda dolların bahalaşması ərzaq məhsullarının qiymətinə də təsirsiz ötüşməyib. Paytaxtda əksər mağazalarda süni qiymət artımı müşahidə edilir.
"Korrupsiya və Qanun" saytının aldığı məlumata görə AzVision.az-ın əməkdaşları Bakıda bir neçə marketə baş çəkərək hazırki vəziyyətlə maraqlanıb.
“28 May” metrostansiyası yaxınlığında yerləşən “Fresko” supermarketində qiymətlər xeyli bahalaşıb.
“Çörəkdən başqa, marketdə gördüyünüz bütün məhsulların qiyməti qalxıb. Məsələn , siqaretin qiymətində 25-30 qəpik bahalaşma var. Saqqız əvvəl 40 qəpik idisə, bu gün 80 qəpik olub”-deyə mağazadan bildiriblər.
Marketdə apardığımız müşahidələr zamanı gündəlik tələbat malları olan kartof, soğan, pendir, yağ və digər ərzaq məhsullarının qiymətinin 50 faiz artdığının şahidi olduq.
Əvvəlki günlərdə kiloqramı 60-70 qəpiyə satışa çıxarılan kartof, soğanın qiyməti hazırda 1-2 manat arası dəyişir.