Azərbaycan İdeyası

Keçmiş MTN naziri ağladı

Tarix:22-07-2016, 12:28
Baxış Sayı:314

Keçmiş MTN naziri ağladı
“Keçmiş MTN naziri mənə deyirdi ki, Allahına zəng vur, istintaqa gəlsin”

Naxçıvan Muxtar Respublikasının həbsdə olan sabiq milli təhlükəsizlik naziri Vəli Ələsgərov Hərbi Məhkəmədə vaxtilə işgəncə verdiyi şəxslə üzləşərkən ağlayıb. Virtualaz.org saytının əldə etdiyi xəbərə görə, V.Ələsgərovun nazirliyi dövründə Naxçıvan MTN-in əməkdaşları tərəfindən həbs olunan, İŞİD-ə məlumat ötürməkdə ittiham edilən, sözügedən idarədə ağır işgəncələrə məruz qalan keçmiş hərbçi N.Ağasıyev deyib:

"Məhkəmədə başıma gətirilən əhvalatları danışdım. Bu zaman Vəli Ələsgərov ağlaya-ağlaya məhkəmənin sədri Qasım Əliyevə dedi ki, mənim evdə 5 gözləyənim var, göydə Allah var, mənə yazığınız gəlsin. Mən onda sual verdim ki, bəs sənin evində 5 nəfər gözləyənin varsa, mənim evimdəkilər kim idi?! Və yaxud, əgər sən Allahı tanıyırdınsa, niyə içəridə telefonu uzadıb deyirdin ki, zəng vur, gəlsin görək Allah kişidir, ya arvad?"

Qeyd edək ki, V.Ələsgərov bir müddət əvvəl Naxçıvanda həbs edilib. Daha sonra barəsində seçilmiş həbs-qətimkan tədbiri ev dustaqlığı ilə əvəz edilib. Bir neçə gün əvvəl isə yenidən məhkəmənin qərarı ilə barəsində həbs-qətimkan tədbiri seçilib. Sabiq nazir vəzifə səlahiyyətlərini aşmaqda, dövlət əmlakını talamaqda, qulluq mövqeyindən sui-istifadə etməkdə, telefon danışıqlarını qanunsuz dinləmədə və digər cinayətlərdə ittiham olunur. V.Ələsgərov 15 il Naxçıvan Muxtar Respublikasının milli təhlükəsizlik naziri vəzifəsində çalışıb.

OXŞAR XƏBƏRLƏR
Bu gün Türkiyədə Milli Suverenlik və Uşaq Bayramıdır
Bu gün Türkiyədə Milli Suverenlik və Uşaq Bayramıdır
“Sizinlə danışan bank işçisidir” - Fırııdaqçılar daha çox mesaj, səsli və görüntülü zənglərlə...
“Sizinlə danışan bank işçisidir” - Fırııdaqçılar daha çox mesaj, səsli və görüntülü zənglərlə...
Xərçəng cavanlaşıb: Xəstəliyin ARTMA SƏBƏBLƏRİ
Xərçəng cavanlaşıb: Xəstəliyin ARTMA SƏBƏBLƏRİ
Hövsanda spirt sexində partlayış - ölən və xəsarət alan var - YENİLƏNİB
Hövsanda spirt sexində partlayış - ölən və xəsarət alan var - YENİLƏNİB
“Aviasiya haqqında” qanun dəyişdi
“Aviasiya haqqında” qanun dəyişdi
Azərbaycanda daha bir məhkum dünyasını dəyişdi-18.04.2025.
Azərbaycanda daha bir məhkum dünyasını dəyişdi-18.04.2025.
Bakı yenə su altında qaldı: Belə hava şəraitinə görə tədbirlər əvvəlcədən görülmidir ki... +FOTO!
Bakı yenə su altında qaldı: Belə hava şəraitinə görə tədbirlər əvvəlcədən görülmidir ki... +FOTO!
Ağdamda ata və azyaşlı övladları minaya düşüblər
Ağdamda ata və azyaşlı övladları minaya düşüblər