Milli Dirçəliş Hərəkatı Partiyasının sədri, millət vəkili Fərəc Quliyev dünən İctimai Televiziyanın “Müzakirə vaxtı” verilişinin qonağı olub. “Bilikli cəmiyyət” mövzusuna həsr edilmiş verilişdə Azərbaycanda yaradılmış Bilik Fondu və ölkəmizdə bilikli cəmiyyətin formalaşdırılması üçün görülən işlərlə bağlı aparılan müzakirələrdə partiya sədri cəmiyyətin bilik səviyyəsinin yaranmış vəziyyətə adekvat olmadığını bildirərək, İsrail dövlətinin yeni qurulanda şəraitinə adekvat formalaşdırdığı elminin o ölkədə hansı uğurlu nəticələrə səbəb olduğunu misallar və faktlarla izah edib və bildirib ki, ölkəmizin hazırkı durumu tələb edir ki, yalnız və yalnız elmin inkişafı ilə, kimsəyə güvənmədən tam olaraq öz ayaqlarımız üzərində dura bilək.
Millət vəkili Bilik Fondunun fəaliyyət istiqamətləri ilə bağlı da maraqlı təkliflər verib. O, elmin inkişafı stratejiyasından danışaraq, elm bankının yaradılması və ölkəyə elm idxalının artırılması yolları ilə bağlı da mühim təkliflər səsləndirib.
Fərəc Quliyevin həmin çıxışının videosunu təqdim edirik:
“Elmin inkişafı ilə bağlı qəbul edilən çoxsaylı qərarlar sırasında Elmin İnkişafı Strategiyası mühüm yer tutur”.
Bəzi saytlar əsassız məlumatlar yayır` - Azay Quliyev
“Məmurlar, monopoliyaya son qoyun” - Millət vəkili
Millət vəkili gömrüyü tənqid etdi
Peşə məktəblərinin və kolleclərin sayı azaldılacaq
