Yevlax şəhəri Fazil İsayev küçəsi, ev 102 ünvanda yaşayan 1957-ci il təvəllüdlü Məmmədova Həqiqət Cavad qızı redaksiyamıza ərizə ilə müracət edərək haqq etdiyi əlillik statusunu ala bilməməsindən, bürokratik əngəllərlə qarşılaşmasından şikayətlənmişdir. Bildirmişdir ki, bu ilin may ayının 2-də insult keçirtmiş, tamamilə əmək qabiliyyətini itirmişdir. Yeriyə bilmir, sol qolu işləmir, tamamilə əlil arabasına məhkum olunmuşdur. Yazır ki, iki dəfə dövlət xəstəxanasında yatıb müalicə almışdır. Lakin indi həkimlər ona bərpa prosesindən keçməyi məsləhət görmüşlər. Dəfələrlə Respublika Əlillərin Bərpa Mərkəzinə, Əmək və Əhalinin Sosial Müdafiəsi Nazirliyinə, Səhiyyə Nazirliyinə müracətlər etsə də, məmurların məsuliyyətsizliyi, etinasızlığı səbəbindn əlillik statusu ala bilməmişdir. Ona deyiblər ki, əlilliyi yoxdur, o üzdən Respublika Əlillərin Bərpa Mərkəzinə yerləşdirilə bilməz. İki dəfə şöbə müdiri Günay Rəfiyevanın qəbulunda olmuşdur. Yazır ki, cənab Səlim Müslümovun rəhbərlik etdiyi Nazirliyin əməkdaşlarının səbatsızlığı, biganəliyi onu az qala intihar həddinə çatdırıb.
Həqiqət Məmmədova Respublika Bərpa Mərkəzinə yerləşdirilməsinin təmin olunmasını, ona əlillik statusu təyin olunmasına nail olmaq üçün probleminin ictimailəşdirilməsini redaksiyamızdan xahiş etmişdir.
S.Səttarqızı
Azərbaycanda ilkin əlillik təyin edilənlərin sayı 14 faiz azalıb
