Dostlarım

Xoş görüşdük, sizi əziz dostlarım,
Gəlin, sizə bu dostluqdan söləyim.
Vacib olan dəyərlərdən də deyim,
Diqqət edib siz də bir-bir dinləyin...

Çox varlılar öyünür pullarıyla,
Bəziləri dövlətiylə,varıyla,
Bəzisi göydələn villalarıyla,
Nə yaxşı ki, siz varsınız, dostlarım,
Mən sizinlə öyünürəm, dostlarım!

Varlı güvənsə də öz pullarına,
Çıxara bilməyir onu bir yana,
Daxilində qalır hey yana-yana,
Nə yaxşı ki, siz varsınız, dostlarım,
Mən sizinlə öyünürəm, dostlarım!

Neyləyirəm bankda yatan pulları,
Gözləri hey yolda qalan pulları,
İsveçbankda zarıyan dollarları,
Nə yaxşı ki, siz varsınız, dostlarım,
Mən sizinlə öyünürəm, dostlarım!

Dünyada ən varlı özüməm-özüm,
Axtarmıram nə təsəlli, nə dözüm.
Hamının gözünə dik baxır gözüm,
Nə yaxşı ki, siz varsınız, dostlarım,
Mən sizinlə öyünürəm, dostlarım!
Mən sizinlə öyünürəm, dostlatım!!!

GÜLZAR ŞƏMKİRLİ