Saatlı rayonunun statistik göstəriciləri ürəkaçandır.

Saatlı rayon Statistika İdarəsi öz işini Dövlət Statistika Komitəsinin iş planı əsasında quraraq statistik məlumatların toplanmasını və onların regionun sosial- iqtisadi proseslərinə uyğunluğunu təmin edir, ərazinin sosial-iqtisadi, ekoloji və demoqrafik vəziyyətini xarakterizə edən statistik materialları yerli icra hakimiyyəti orqanlarına təqdim edir. İdarənin rəisi cənab Rövşən İsayev deyir ki, respublikamızın digər bölgələri, şəhərləri, qəsəbə və kəndləri kimi, Saatlı rayonunda da son illər iqtisadiyyatda, sosial-mədəni həyatda qazanılan bütün uğurlar dövlət başçısının göstərdiyi yüksək diqqət və qayğı sayəsində əldə olunmuşdur. Ölkə başçısı tərəfindən göstərilən bu diqqət  rayon sakinlərinin böyük ruh yüksəkliyinə və əmək coşqunluğuna stimul vermiş, insanları iqtisadiyyatda, sosial-mədəni həyatda daha mühüm nailiyyətlər qazanmağa ruhlandırmışdır.

Son illər ərzində Saatlı rayonunda görülmüş işlərlə bağlı statistik məlumatlar onu göstərir ki, nəzərdə tutulan tədbirlər yerinə yetirilir və uğurlar hər bir sahədə əldə olunur. Bütün bunlar isə makroiqtisadi sabitliyin qorunmasına, məhsul istehsalının artmasına əsaslı zəmin yaradır. Rayonun 2024-cü ilin I yarısındakı sosial-iqtisadi göstəriciləri bunun əyani təzahürüdür.