Axşamdan qalan suyu içmək olarmı?

Yatmazdan əvvəl yatağınızın yanına qoyduğunuz bir stəkan suyu səhər oyanar-oyanmaz içdiyiniz olubmu? Fərq etməyə bilərsiniz, amma həmin suyun dadı sizə normaldakından qəribə gələ bilər.
Təqdim edəcəyimiz xəbərdə məhz bunun səbəbini biləcəksiniz.
Korrupsiya və Qanun saytı bildirir ki, "Discovery News"un xəbərinə görə, suyun gecə boyu PH dəyəri düşür və otaqdakı karbon qazını az miqdarda da olsa içinə çəkir.
Bu səbəbdən səhər yuxudan oyanarkən çarpayınızın yanında qoyduğunuz sudan bir qurtum aldıqda dadı turş gəlir.
Əlbəttə, suyun dadındakı bu dəyişikliyin orqanizmdə yaratdığı hər hansı bir pis nəticə aşkar edilməyib. Amma yenə də gecədən qalmış suyu içmək əvəzinə mətbəxdən təzəsini almaq hər zaman daha məntiqli hərəkət ola bilər.