Xaçmazda qonşusunu bıçaqlayan qadının istintaqı başa çatıb

Xaçmazda qonşusunu bıçaqlamaqda təqsirləndirilən Mərziyyə Qədiyevanın cinayət işi üzrə ibtidai istintaq başa çatıb.

Korrupsiya və qanun xəbər verir ki, təqsirləndirilən qadın barəsində toplanan materiallar baxılması üçün Sumqayıt Ağır Cinayətlər Məhkəməsinə göndərilib.

Cinayət işi Aynur Rzayevanın icraatına verilib.

Qeyd edək ki, bu il Xaçmaz rayonunun Xudat şəhər sakini Mərziyyə Qədiyeva mübahisə zəminində qonşusu Rasim Səmədovu bıçaqlayıb.

Aparılan araşdırmalar nəticəsində müəyyən edilib ki, M.Qədiyeva əvvəlcə qonşusu Zibeydə Həmrayevanın ona qarşı nalayiq ifadələr işlətməsinə görə onunla mübahisə edib. Daha sonra isə sonuncunun onunla belə rəftarından hiddətlənən M.Qədiyeva evdən mətbəx bıçağını götürərək Zibeydə Həmrayevanın əri Rasim Səmədovun işlədiyi yerə gedib və hadisəni törədib.

Korrupsiya və qanun