Zəngəzurda yaşayan erməni: "Biz isə elə bilirik ki, buralar bizim torpaqlardır

"Azərbaycanlılar gecələr buralarda olur..."
"Korrupsiya və Qanun" qəzetinə istinadən Ölkə.Az xəbər verir ki, Zəngəzur ərazisində yaşayan yaşlı erməni Rusiyadan olan jurnalistlərdən birinə azərbaycanlılarla qonşu kənddə yaşamaqdan danışıb.
Yayılan videogörüntülərdən də məlumdur ki, yaşlı erməni bu dağlıq əraziləri olduqca təhlükəli hesab edir. Jurnalist isə bunun səbəbini öyrənmək istəyəndə o, Qarabağ müharibəsi zamanı baş verən əhvalatdan söz açır.
O bildirir ki, vaxtilə ermənilər azərbaycanlıları o ərazilərdən qovalayaraq onların mal-qarasını aparıblar. Azərbaycanlı çoban isə ermənilərdən onu öldürməmələrini istəyib və əvəzində daha çox mal-qara gətirəcəyini vəd etsə də, alayla birlikdə qayıdır.
"Buna görə də onlar həmişə oradadır. Onlar düşünmür ki, bu, rusiyalı müxbirdir, onlara görə burdakılar ermənidir. Həmişə pusqudadırlar. Onlar öyrəşib və gecələr gəlirlər qəbirləri ziyarət edib gül qoyurlar. Biz isə burda yatır və elə sanırıq ki, bura bizim torpaqlardır. Azərbaycanlılar bu əraziləri daha yaxşı tanıdıqları üçün bura daha təhlükəlidir", - deyə erməni bildirib.