Bu abidələrimiz də UNESCO-nun siyahısına salına bilər

Atəşgah, Naxçıvandakı türbələr, Xəzər sahilindəki tarixi istehkamların da gələcəkdə UNESCO-nun Ümumdünya İrs Siyahısına salınması üçün işlər görüləcək.

Mədəniyyət Nazirliyinin məlumatına əsasən, ölkəmizin mədəni irs nümunələrinin UNESCO siyahısında sayı bundan sonra da artacaq:

“Ölkəmizdə beynəlxalq miqyasda tanınmasını gözləyən hələ çox mədəni irs obyektləri (Atəşgah, Naxçıvandakı türbələr, Xəzər sahilindəki tarixi istehkamlar və s.) var. Azərbaycan dövləti tərəfindən həyata keçirilən ardıcıl iş sayəsində ölkəmizin mədəni irs nümunələrinin UNESCO siyahısında sayı bundan sonra da artacaq”.