Abonentdən bir ünvanda istehlak etdiyi energiyə görə ikinci elektrik sayğacı tələb olunur.

Suraxanı rayonu, Zığ qəsəbəsi, “267 saylı bağ” ünvanda yaşayan Əlləzov Şahid Zahid oğlu “Korrupsiya və Qanun” ictimai-siyasi hüquq qəzeti redaksiyasına ərizə ilə müraciət edərək, Suraxanı rayon Elektrik Təchizatı İdarəsinin bir qrup vəzifəli şəxsinin əsassız tələbləri ilə üzləşdiyini yazmışdır.
Şikayətçi yazır: “Mən ailə üzvlərimlə bərabər yuxarıda qeyd etdiyim ünvanda yaşayıram. Həmin yaşadığım evin mülkiyyətçisi olmağım barədə “Çıxarış” sənədi də mövcuddur. Suraxanı rayon işıq idarəsi tərəfindən sayğacla da təmin olunmuşam. Lakin buna baxmayaraq, həmin idarənin kimliyi mənə məlum olmayan bir qrup vəzifəli şəxsi məndən ikinci sayğac qoyulmasını tələb edir, əks təqdirdə cərimə olunacağımı və evimin elektrik təchizatının dayandırılacağı ilə hədələyirlər”.
Vətəndaş Əlləzov həmçinin qeyd edir ki, dolanışığını təmin etmək üçün ona məxsus olan yaşayış evinin otaqlarından birini dükan kimi işlədir. Dükana aid sənədləri qaydasındadır.
Görünür, elə Əlləzovdan ikinci elektrik sayğacı tələb olunmasının da səbəbi məhz dükanla bağlıdır. Çünki Əlləzov fiziki şəxs olaraq dükanda istehlak etdiyi elektrik enerjisinin haqqını qeyri-əhali qrupuna aid abonent kimi, yəni, nisbətən baha qiymətlə ödəməlidir. [xfgiven_embed] [/xfgiven_embed] [xfgiven_youtube][/xfgiven_youtube]