70 yaşın işığında...

Şair gözəl deyib:
Keçən ömrüm hardan gəldi, hara getdi?
Keçən ömrüm rəqəmlərin toplusudur.
Doğan-doğdu, ölən-öldü, itən-itdi,
Keçən ömrüm xatirələr tablosudur.

Hər bir yaşın öz özəlliyi, öz gözəlliyi var İnsan üçün. Xüsusən yaradıcı insanların keçdiyi ömür yolu çoxlarına örnək olur.
Bu gün 70 yaşın zirvəsində bardaş quran keçmiş sinif yoldaşımız Arifə xanım Ağayevanın şəxsiyyətinə nəzər salmaq istəyəndə, öncə, onun insanlığa xas olan ən vacib xüsusiyyətləri – ailəcannlılığı, mübarizliyi, əməksevərliyi, vicdanlı, xeyirxah və fədakar olması diqqəti cəlb edir.
Allah insanı müxtəlif biçimdə, müxtəlif taledə, müxtəlif xislətdə yaradır. Taleyin sınağına çəkilir insan. Dözən, dözümlu insan olur Allahın məhəbbəti və mərhəməti sayəsində.
Belə bir məhəbbət və mərhəmət payından şükürlü olan Ağayeva Arifə xanımı 70 illik yubileyi münasibətilə keçmiş sinif yoldaşları (həm də rəfiqələri Yaqut Xələfova, Validə, Tamella, Rahilə Kərimova, Sara, Gülafiyə, Qızbəs və Xuraman Quliyeva ürəkdən təbrik edir, ona can sağlığı, əzizlərinin əhatəsində uzun və mənalı ömür arzulayırlar.

“Korrupsiya və Qanun” qaəzetinin baş redaktoru: X.Ə.Quliyeva