Azərbaycan İdeyası

Veteranların NƏZƏRİNƏ! 80 manat artırılır? - Nazir müavini AÇIQLADI

Tarix:13-06-2025, 12:28
Baxış Sayı:104



Müharibə veteranlarına verilən 80 manat Prezident təqaüdünün məbləğinin artırılma ehtimalı ilə bağlı məsələyə aydınlıq gətirilib.

Xəbər veririk ki, bu barədə əmək və əhalinin sosial müdafiəsi nazirinin müavini Rəşad Mustafayev jurnalistlərə açıqlamasında deyib.

O bildirib ki, veteranlar əmək qabiliyyətli insanlardır. Nazirlik onların daha dayanıqlı təminatı üçün çalışır: “Ölkəmizdə sosial ədalətin və həmrəyliyin təmin olunması prinsipi ilə dövlət siyasəti prioritet olaraq istiqamətləndirilir. Burada müharibə veteranlarına sosial dəstək tədbirləri mütləq əhatə olunur. Müharibə veteranlarına aylıq təqaüd verilir. Bu aylıq təqaüd kommunal, nəqliyyat və digər gündəlik xidmətlərə istinad olunub. Dövlət sosial təminat tədbirlərini əsasən əmək qabiliyyəti məhdud olan şəxslərə tətbiq edir. Bunlar əlilliyi olan şəxslər, pensiya yaşına çatmış şəxslər, aztəminatlı ailələr, çoxuşaqlı analar, hərbi qulluqçuların övladlarıdır. Yanaşma sosial ədalət prinsipinə əsaslanır.

Veteranlar əməkqabiliyyətli insanlardır. Biz veteranların rifahının uzunmüddətli dayanıqlı şəkildə dəstəklənməsini daha çox təşviq edirik. Onların məşğulluq imkanlarının yaradılması, kiçik biznesə çıxış imkanları yaradılır. Bunlarla bağlı da mühüm addımlar atılır. Təqaüd verilməsi ilə yanaşı, özünüməşğulluq proqramlarına növbədənkənar cəlb olunmasına ailə təsərrüfatlarının qurulması ilə daha çox veteranlarımıza dəstək olmağa çalışırıq”.

R.Mustafayev əlavə edib ki, 44 günlük Vətən müharibəsindən sonra 26 min 600 şəhid ailəsi üzvü və müharibə iştirakçılarının məşğulluğu təmin edilib. Onlardan 12 min 600-ü özünüməşğulluq proqramlarına cəlb edilib”.

Qeyd edək ki, ötən gün Prezident İlham Əliyevin imzaladığı yeni Fərmanla müxtəlif katqoriyalara yönələn müavinət və təqaüdlərin məbləği artırılıb. Artımlar ümumilikdə 3 milyon vətəndaşı əhatə edir.

OXŞAR XƏBƏRLƏR
Peşə Bayramınız Mübarək-Azərbasycvan polsi! +FOTO!
Peşə Bayramınız Mübarək-Azərbasycvan polsi! +FOTO!
Azərbaycan Polisi 107 yaşında + VIDEO
Azərbaycan Polisi 107 yaşında + VIDEO
Təbrik Edirik!!! + FOTO!
Təbrik Edirik!!! + FOTO!
"Sputnik Azərbaycan"da saxlanılan iki nəfər binadan çıxarılıb - VİDEO
"Sputnik Azərbaycan"da saxlanılan iki nəfər binadan çıxarılıb - VİDEO
Müavinətlər artırılır, bu qərarlar qüvvəyə minir - İyulun 1-dən
Müavinətlər artırılır, bu qərarlar qüvvəyə minir - İyulun 1-dən
Sabahdan qohum evliliklərinə qadağa qoyulur
Sabahdan qohum evliliklərinə qadağa qoyulur
Sabahdan Azərbaycanda sosial müavinətlər artırılır
Sabahdan Azərbaycanda sosial müavinətlər artırılır
Zakir Həsənov Azərbaycan Ordusunun şəxsi heyətini təbrik edib
Zakir Həsənov Azərbaycan Ordusunun şəxsi heyətini təbrik edib