"Yerlə sürüyürdü, bədənimi ütüylə yandırırdı, qarnıma vururdu ki, uşaq düşsün" - FOTO

Aliyəni tapanda polislər və hüquq müdafiəçiləri dəhşətə gəlmişdilər...
...Həmin gecə Aliyənin yuxusu gəlmir. Başını qatmaq üçün "Facebook"a girir. Bir elan diqqətini çəkir:
"Özüm namaz qılanam. Ailə qurmaq istəyirəm. Dindar qız axtarıram. Cəmi bir dəfə ailəli olmuşam. Evliliyim cəmi bir gün çəkib".
Altında da çoxlu neqativ rəylər. Əksəriyyət statusun sahibini təhqir edir, onu manyak, narkoman adlandırır. Bu, Aliyəyə şübhəli gəlir. Ola bilməz axı bu qədər adam bunu tanısın?! Özü də bilmədən həyatının səhvini edir: "Bəyəm siz onu tanıyırsınız ki, belə şey yazırsınız?" - deyə rəy yazır.
"Korrupsiya və Qanun" qəzeti lent.az-a istinadən bildirir ki, hər şey tək bu rəylə başlayır. Aliyənin o rəyi yazmaqla ona dəstək olduğunu düşünən Rüfətdən ona mesaj gəlir:
"Onlar yalan danışır, mən narkoman deyiləm. İstəyirsiniz, gəlin görüşək, qollarımı göstərim. Mən normal adamam. Sadəcə olaraq, bəxtim gətirmədi. Bu gün evləndim, sabah boşandım"